龜鐵密語 – 言語不通

http://yuuji.wordpress.com/2009/08/26/metroserect06/

唔．．．呢幾日好熱w

番完工無咩做就響道睇下呆王一出過氣嘅電視劇<<孽子>>，睇左咁耐，見到同志社群一直都俾呢個社會打壓同唔接納呢，真係．．．（真係唔識得講）總之好痛心．．．

依家睇到呢個主角俾人逐出家門，依家響總統府附近嘅228記念公園道番唔到屋企。其實我地虧鐵嘅垃圾灣線一樣有d咁嘅事發生，只係無人知道咁解姐w　話說七年前垃圾灣線開嘅時候，筆者仲算細個，雖然我唔係咩鐵路甜，不過呢好記得當年對我嚟講真係好有新鮮感嫁wwwww

果時香港個鐵路界呢都已經好麻煩，成日嘈閉閉。因為呀National Rail Services因為新線就嚟開，又要重返尖沙咀，所以呢就第一次拍板自己買新車。點知一買就正到呢．．．架車睇落去以當年的水平嚟講真係無得彈。咁之後龜仔呢一邊又因為垃圾灣支線要開，所以都要加車。作為乘客嘅我當然會好開心啦，因為新車真係靜好多，而且燈光又唔錯，PA喇叭聽落都幾好。因為我一路響靜嘅地方大，香港的確係好嘈，所以呢如果坐車可以靜d會係唔錯嫁。

龜仔由開到上市之前都好無錢，甚至試過話有段時，一日嘅車票收入都支付唔到佢地一日要畀嘅利息。所以呢，佢地咩到要平，最緊要呢就係價賤者得。其實我的確要讚一讚佢地真係將香港人慳家嘅性格發揮晒出嚟，因為果度嘅8樓同10樓呢，好識得用替代法嚟搵到佢地要嘅野。今次佢地搵啱左人，識左個朋友，不過呢，呢個朋友幾年之後就無得做。

話說當時911之後全個世界都經濟低迷，亞洲各國響經歷金融風暴之後更加係死多兩錢重。尤其是韓國響90年代啱啱經濟終於及得上亞洲其他國家嘅時候就俾索羅斯玩到一頭煙，亞洲本身就因為日本呢個economic leader自己好唔掂而好頹，全世界呢就因為美國俾人咁攪法而一獲熟。響亞洲金融風暴嘅時候，其實最慘烈嘅唔係泡沫經濟之後嘅日本，因為日本經已衰到無得衰，反而係啱啱上左規模嘅韓國，連韓圓都跌到九彩（七彩經已形容唔到），所以大家去到韓國就會發覺自己一出街都帶住十幾二十萬嫁。日韓合併之後韓國學識左好多野，日本人如果去到韓國有漢字嘅地方實會覺得好攪野嘅，因為你好容易會見到咩Kabushikikaisha（株式会社）呀咁。又因為自己無技術，所以韓國一向戰後自己如果要鐵道車輛呢都係買日本貨，攪到成個地方d車同日本一樣zzz

依家呢韓國呢識得自己做車啦，不過呢仲要同日本攞技術。韓國同日本一樣都係靠官商勾結做起嘅，所以呢唔同政府上場都會造就到唔同嘅公司。呢十幾年嚟，就整到現代重工業響韓國嘅地位同日本的三菱一樣，咁做鐵路車輛都唔可以少得佢。今次虧鐵嘅呢個朋友叫路氹，係現代旗下嫁。龜仔睇得起韓國車嘅原因都係因為個價夠賤，事關全世界都知道一架鐵道車輛，話知你係路面電車好，定係地下鐵好，一律公價係一千萬一卡。不過呢韓圓（韓圜響垃圾灣綫通車40年前經已無再發行，所以唔該大家唔好再用呢個名啦，同埋呢韓圜嘅發音唔係Won，韓圓先至係呀）響911之後跌到死咁滯，所以呢，一個新車卡只需要800萬就買到啦，計翻咁多卡車，夾埋可以慳番成億幾。唔止呀，用八百萬就可以買到日本嘅牽引摩打同TIMS，全部三菱貨，龜仔最鍾意，你話so唔so呀？

不過呢，呢個世界就無咁好彩嘅。事關呢批車到左綠色綫試車之後，龜仔嘅8樓先發覺原來垃圾灣屋企嘅家頭細務外判張合約只係寫明Goninan只係需要整一隻車，而且都唔可以話train佢地嘅職員學識整K車。於是龜仔事先將揚話垃圾灣綫會嘅新車，就唯有即時密冚，再同傳媒講，因為新車係用嵌入式車門，響觀塘綫行會靜好多架。實際係因為龜仔自己都知道垃圾灣綫又上又落，轉左轉右，架車一行就嘈都拆天，所以響K車夾人上報上電視事件之後呢，有議員同路氹查詢，路氹就話係龜龜要求用嵌入式車門嘅。但係市區綫一向用嘅ATSS係法國亞斯堂野，垃圾灣綫用嘅係德國西門社，本身K車因為designed for 垃圾灣線，所以佢嘅ATO靜係識同西門社嘅ATSS傾計，好似出<<孽子>>嘅角色咁，響屋企呢講台語好好地地；你依家叫佢要出去講國語呢？佢都要時間學嫁。所以K車初到貴境果排，雖然新車落地係包維修合約，唔啱改到你滿意為止，但係呢K車個腦都要時間學識聽國語同答國語，於是一開始K車就只由各位師兄行CM，跟住綠色針渣車，要等到佢個腦識得聽&答國語啦，先可以自己行路。

好啦，學識國語之後，可以自己行街街啦，就有另一個言語不通出現左。大家坐得多K車呢，都會發覺K車好鍾意響臨停低果下，chok幾野先識停，攪到個人暈暈地zzz　時關呢一條直流電嘅鐵路，回生失效成日會有，不過一般車都識得響回生失效嘅時候，因為無左電嘅制動力，所以就補番同樣力度嘅空氣制動落去。但係K車個腦呢係講韓文嘅，套VVVF係三菱貨講日文嘅。所以架車個回生力不足嘅時候呢，架車自己未必知道要補幾多力落去。結果就會造成佢回生失效嘅時候個Brake係落-放-落-放-落-放，到最後個ATO知道自己就嚟過停車距離就索性大力落air brake以求唔過走就算。

咁有無辦法要K車學識日文呢？無，因為日文點講呢係商業祕密。有個方法就係搵番三菱嚟改造K車個腦，唔駛問就當然要$$$啦，大家話龜仔會唔會俾呢？！？！

雖然話響綠色綫度暫住下，件事叫做settle down。點知道件事完來仲有下集 Orz

不過呢香港嘅鐵路界果時話，龜仔幾好野呀，虧到無朋友都可以買到架車800萬就有地下鐵功能；你National Rail Service，整隻千九公主出嚟要成千三萬。不過架虧車攪到成鑊粥，你地話仲唔呻笨吖拿

係呀，用八百萬買用韓國殼買到日本技術真係好平呀。不過呢，你架車咁靜，個現代冷氣咁嘈真係相映成趣。可以每卡慳二百萬買左成身蟻番嚟真係好抵呀其實。

加多一句：大家想見下日本車但係又要平呢，可以去下韓國，咁未可以唔駛用咁貴就有日本車睇攞。世界級鐵路都係咁姐

var gaJsHost = ((“https:” == document.location.protocol) ? “https://ssl.” : “http://www.”);
document.write(unescape(“%3Cscript src=’” + gaJsHost + “google-analytics.com/ga.js’ type=’text/javascript’%3E%3C/script%3E”));

try {
var pageTracker = _gat._getTracker(“UA-11682536-1″);
pageTracker._trackPageview();
} catch(err) {}