http://yuuji.wordpress.com/2009/10/27/metroserect14/

嘩嘩嘩．．．咩事咁巨陣仗呢．．．

話說上次番外篇得閒得滯寫左張OP13套餐嘅菜單出嚟，點知又係第13篇龜仔密語w

咁今次係第14篇．．．今天真係開OP14．．．唔知道食豉椒炒魷定椒鹽鮮魷呢？！？！

話說回來點解無端端要遺憾動議呢？哦，無，舊年黃郁人deng蕉之後呢，按每年慣例垃圾會都要響討論施政報告之後，出致謝動議俾特首，話晒佢雖然寫埋晒d垃圾出嚟，晒大家時間嚟聽，好似無功都有勞，好辛苦嫁啦（雖然我諗我一年打wordpress嘅字數點都多過佢），慰勞下你，等你無咁難落台啦，雖然你個樣都夠衰嫁啦。不過卿姐加入完民主黨無耐，就話特首害人害物無陰公，於是就將致謝動議變成遺憾動議。你有你豉油黨劉健儀動議謝多佢咁埋沒良心咩？我就唔客氣講聲遺憾先。

致謝動議大家知道就係多謝佢俾咁野我地寫啦，遺憾d咩呢？哦，其實之前同位整BVE嘅大先輩傾過計，如果唔係都無人知道寫一篇龜仔密語其實好辛苦嫁。唔好見小小字呀，你要接收左個信息，知道係真確的之後，就要開始諗點樣可以唔駛開宗名義爆料，又可以令大家明白我講緊乜。事關我又真係真係真係唔想淪為Try my breast之輩，俾人告libel 就唔好呢w

要將一個信息加密左，又要預計以一般人嘅思維可以好容易解番密，其實諗到頭都爆。例如有個地方名我唔可以直接講嫁，咁我就要諗下，呢個地方有咩歷史，有咩特別野，或者係用第二條路間接夾啱示講個答案出嚟。好似垃圾灣綫咁，好多朋友一開波以為我講緊紅色綫，因為紅色綫起之前的確係有個站想叫垃圾灣。咁其實諗下都知道果邊唔關K仔事啦，咁於是乎香港仲有咩地方叫垃圾灣嘅呢？諗唔起呀？其實呢個名大家只會響地圖見到，但係又雞乸咁巨隻字寫住嫁。響香港右邊有個地方嘅英文名真係叫垃圾灣嫁。如果你仲唔明嘅話，咁不如諗下垃圾嘅英文係乜野，灣嘅英文又係乜野。如果你第一下諗到垃圾嘅英文係rubbish呢，咁都正常，不過唔係得rubbish先形容到嫁麻。如果你諗嚟諗去都係諗到得rubbish先mention到「垃圾」嘅話，咁就唔好食咁多「垃圾食物」 ，增加下英文Vocab好過啦。 因為外國人講野唔會好似香港教你英文咁講到唔知道講緊乜，又唔駛俾人話「細個唔讀書，大個做運輸」 咦．．．點解去到巨學交埋FYP攞埋個degree仔之後，仲要響航空公司坐響機頭做運輸嘅？！？！wwwwww

其實大家真係唔明都唔駛咁灰嘅，語言要函養出嚟，唔係好似香港嘅學校咁玩生吞．．．所以大家唔明響呢道留低個comment問都得嫁，反正我實會答嘅w 　唔知點留cm？哦，其實每個post嘅最頂都會寫住：Posted by Yuuji in XXX / Tags: XXX
/ add a comment <= 呢道。

你話呢．．．每一篇文都要唔止我一個人講到口水乾，係要幾個人諗到頭到爆，先出到一篇。所以真係要出個遺憾動議．．．我又唔係全職寫野，平日blog post都唔得閒出，仲要用好多時間寫龜仔密語 所以好多時係一路食緊飯啦，做緊野啦，訓之前先開波打。好似依家咁吖，我又食緊飯啦，哎。一篇文基本上要好多時間先整得起．．．所以學番龜仔果句：造成不便，請見諒

哎．．．先講完寫一篇好辛苦之後，果邊又好多野俾我寫，仲有權力鬥爭添

今舖我仲唔忙到甩轆？哎，仲話今年唔出新嘅，睇嚟都唔得。

var gaJsHost = ((“https:” == document.location.protocol) ? “https://ssl.” : “http://www.”);
document.write(unescape(“%3Cscript src=’” + gaJsHost + “google-analytics.com/ga.js’ type=’text/javascript’%3E%3C/script%3E”));

try {
var pageTracker = _gat._getTracker(“UA-11682536-1″);
pageTracker._trackPageview();
} catch(err) {}