龜鐵密語 – 白頭人送黑頭人

http://yuuji.wordpress.com/2009/11/13/metrosecret16/

嘩．．．巨吉利事．．．做咩事明明睇龜鐵密語 龜釣墨魚津津樂道，變左咁嘅呢？

哦．．．其實無乜野嘅．．．因為上個月居然發生件咁嘅事．．．．

最近柏林圍牆倒下20週年，杜衣薯果邊攪左個推骨牌遊戲，點知道推到最尾，居然有塊中國字嘅骨牌唔冧 。點解呢？

哦，因為當年柏林圍牆響西德側係畫晒graffiti嘅，咁依樣葫蘆，寫返書法響共產黨嘅圍牆道，係唔係好好玩呢？

雖然中華民國嘅時代，中國就已經有唔少嘅鐵道線，但係到一片紅之後嘅幾十年，不論車輛定係線路都係停留響戰時水平，首條電鐵線都係1959年先有．．．可憐矣。於是乎 National Rail Services 就想趁廣九鐵路電化再加埋自動閉塞工事，想玩埋一份。不過National Rail Services 始終以前係On Her Majesty’s Service 嘅國鐵，要開新服務呢，一係就學共慘黨咁買搖搖板車番嚟，過彎又漂下，過彎又漂下，都咪話唔好玩。再唔係就學薯衣薯嘅<<班2000計劃>>（Bahn2000），即係薯衣薯嘅鐵路發展策略2000咁，買ICN嚟玩下，穿洲過省啱晒。不過National Rail Services就expect好多人會坐香港自己嘅城市快速列車（Intercity Express），ICN可能細左小小。薯衣薯雖然細咋，但係為左renew全國嘅班，居然用左二十幾年時間都未完成呢個巨計劃。啱響呢個計劃裡面，大運量城際運輸可以用IC2000呢個solution攪掂，於是就啱晒National Rail Services嘅要求啦。

IC2000

之不過咁，National Rail Servies只係想玩下城際穿洲過省服務服務，唔係話包晒佢嚟做。所以都係是但係咁要番一兩抽到，之不過咁小單人地，就好難同你造嘅．．．咁可以點呢？呢個時間阿拉丁神燈就出嚟啦。

話說起緊西線嘅時候，咁啱薯衣薯就有公司入標做西線嘅電力Switching Gear。咦．．．呢間公司係薯衣薯道嚟，IC2000又係薯衣薯．．．係唔係可以暗乘番嚟呢？答案是真確的可以 話說呢間電力設備公司有隻由意大利設計嘅跑車，呢呢呢，未就係IC2000後面拖住果架攞，你鐘意嘅可以嵌入去IC2000入面，都可以跑到200km/h嫁。仲唔啱晒National Rail Services？不過要點先可以暗乘番嚟呢？雖然薯衣薯嘅產品優質世界知名，但係價錢就略嫌貴左小小咁多多。如果用同樣多的價錢，就可以買到多d野呢，咁就真係好抵啦。於是乎，人地只係送兩架車出去，將標成功攞到，National Rail Services又可以載客，大家話好唔好呢？

萬事俱備，只欠東風。跑車ok左，只係差載客嘅包廂啦。正所謂得些好意需回手，要兩抽IC2000就真係幾離譜嘅，兩架跑車就算啦。咁無得暗乘客車，又搵邊個好呢？幾十年前，當National Rail Service仲係單線通票閉塞非電化時，曾經因為英國Mk. I 客車唔適合香港用，道門又會無啦啦打開跌人出去好危險，而搵左日本造客車。於是乎，就唯有自己造好個design，再搵番幾十年前嘅老朋友同佢造個雙層芝士孖寶客車加埋個川重台車。就係咁，就攪掂所有野啦。而都係因為咁，有份參與整雙層芝士孖寶客車嘅公司，日後都成為左National Rail Services嘅好朋友。

雖然National Rail Service電線桿、支信號燈、同車入面個叮叮叮都係英國嘅，但係呢道係香港，所以意大利跑車嚟到香港之後，間唔中又熱暈，好彩最後無咩事。如是者，就每日不停跑，跑足11年。甚至要驗身嘅時候，有一架跑車去左整，令一架就全力跑。365日有足service俾大家。 真係要學阿寶講番句：你俾我透下得唔得呀？

話說今年年中驗身期間，得一架意大利跑車拖住嘅雙層芝士孖堡嘅時間，因為架跑車支力得滯，又唔夠訓響粉嶺站附近唔舒服，要老爺柴頭接番屋企。點知全身檢查之後無幾耐，又病左。原本以為只係傷風凍親係小事，再番屋企透下就無事。點知響屋企透完出嚟之後一過深圳圍牆之後無耐就發燒．．．仲唔識行添。廣九鐵路雖然係複複線，但係外側線要嚟俾河蟹號，內側先至係俾貨物列車同唔河蟹又唔符合國情嘅車行。於是乎，你一停低，後面就唔駛行攞。

於是又可以點呢？一，龜仔賠幾十萬。二，以其他機車慢速拉離開。如果Option 2 可以解決所有問題，咁Option 1就可以唔駛啦。結果阿爺就臨時響隔離搵左架SS1嚟拉．．．咦？唔係拉意大利跑車咁刺激下？ 係呀．．．無辦法啦，鬼叫佢就停響樟木頭，於是乎為左了貫徹國家主席所講嘅：以人为本，建设和谐社会。不過想學全程為你、以客為先？仲好有難道wor。點都好，人地都係上市公司（唔知道算唔算世界級w），都係要將乘客車去目的地先。於是就唯有出動老爺古老大車，拉架意大利進口跑車去廣州先，之後再拉落去深圳就可以搵柴頭帶番佢番屋企啦。

咁究竟之後又會唔會咁呢？實在係無人可以保證到。之不過意大利跑車 一年365日係咁跑，依家已經11歲啦，仲可以支持幾耐實在係無人知。而且又無得學日本咁有運休期，整又唔夠時間，透又唔夠時間。意大利跑車同雙層芝士孖寶客車係龜仔入面唯一single fleet group 嘅車，要保養佢唔係低成本。如果要出單買新嘅，又有咩選擇呢？唔通要ES64機頭？睇嚟都係旨意香港新幹線算吧啦。

—– 同場加映 —–