龜鐵密語前傳 – 操勞過度

http://yuuji.wordpress.com/2010/05/27/metroserect24/

下一站：九龍塘，乘客可在該站轉乘國內鐵路服務。
Next Station : Kowloon Tong. Interchange station for National Rail Services.

請小心月台空隙
Please mind the 夾

每日，當你坐緊East Rail Main Line嘅時候，總可能會想起當年全時間行定速Mode、無ORP、唔駛轆車轆到傻、可以響隧道聽到class 301嘅神奇摩打聲、千九公主又可以追逐住前車．．．同龜鐵可以爭一日長短嘅呢一切一切都響4年前遠去

East Rail Main Line

只因為呢架East Rail Main Line Class 301經已操勞過度，需要休息。事緣響二十幾年前，一路到係單線通票閉塞嘅Lo Wu – Kowloon Railway 因為新市鎮嘅發展，變成左East Rail Main Line。但係原本呢條只係Suburban Rail Services嘅路線，連架車都係跟足晒日不落帝國，Cab後面係行李卡，前面頭等，後面普通等再加多個廁所咁，真確的又快又舒服 點知單係我住緊嘅沙田就已經60萬人口，都未計大埔、粉嶺同上水一樣要靠East Rail Main Line 出市區。

於是，就只有不停拆位嚟俾更多人可以上到車，甚至要響天花加扶手嚟容納乘客。響East Rail Main Line 變身十年後，就開始研究下個裝修工程，結果就加多左兩對車門，諗住可以做到捷運式嘅乘客流動，點知就做成依家乘客分佈不均，又將d櫈變晒Longitudinal seat，仲要resignaling到可以同龜鐵一樣行到ATO。

正所謂日操夜操，出事嫁麻！ 話說5年前架車行行下無端端甩左個壓縮機，仲slow slow放風．．．件事除左攪到行車有危險之後，仲攪到前朝高高層巨地震，甚至講到如果Class 301再有同類事件，就全線停駛，確真的學足晒Network Rail嘅作風。 唔駛好耐，件事終於疑似「水落石出」。本來有人話一日都係ATO唔好，令到Class 301出事。National Rail Services 死口唔認個問題係因為ATO，只係話問題起因係疲勞。是咁的，National Rail Services話係因為各個床下機器嘅吊架本身質素唔好，再加上經過鐵軌嘅時候再令各個床下機器彈下彈下，所以先至會斷開之後跌落嚟。不過件事當然唔止咁簡單，話說呢架East Rail Main Line Class 301比龜鐵嘅79 Tube stock做薄左1/3，但係大家個台車要行ERML咁大嘅彎道都係一樣，所以其實個台車早就又唔少不論係眼見到，或者見唔到嘅裂縫。響Class 301 用左15年之後，仲要開多兩個門口，咁你話有無問題啦。仲架車入面全部櫈用晒不鏽鋼板，又加左咁多扶手柱，天花又多左唔少不必要嘅鋼板，又有電門摩打同配線，又有氣門嘅氣缸同氣喉，再加個電視．．．嘩，增左鎊唔少 雖然話National Rail Service 果d Netowrk Rail級嘅線路的確差到離晒譜，道渣流失令條軌沉ed落去不在講，而且有時仲會無左個扣件，架車一過呢嘩．．．橫搖到High High ，珍奇到嘴已O。之但係2000年開始為East Rail Main Line 未來發展起見，唔想抽車一出站就閂晒power等過中性區，於是加左個歐士堂以AWS Ramp改裝而成嘅地上子，當一個Unit通過就Close VCB，果個unit 出中性區之後就VCB Open，於是者成抽車4個unit由 推- 推 – 推- _ =>  推- 推- _ – 拉 => 推- _ – 拉- 拉 => _- 拉 – 拉- 拉，每行一個run，都要拉拉推推4次（依家3次）。之後埋到個站，又要高速B4-N-B4-N-B4-N …… B4-B5-B3-B4 先停得低。咁樣日chok夜chok法，加埋d客多到要推入乘車，你話關唔關佢地事呢？

之不過咁落去都唔係辦法，點算好呢？ 如果床下機器支架質素有問題，就當然要告資伊思歐士堂，就當然要搵紅磚大學幫手睇下個問題響邊，再幫趁多次歐士堂整番好佢啦，話晒自Class 301裝修之後都幫趁ed歐士堂幾次，當然心甘命抵幫老趁落去 原本前朝打算East Rail Main Line 變身成為Victoria Link 之後就可以將class 301 phase out，不過點知道龜仔接手之後，原來跟據龜仔嘅字典，電動列車嘅壽命係40年。咁計番由1982年之後嘅40年，即係2022年Victoria Link都係開左無耐，於是依家龜仔就搵自己嘅Tube Stock 學威巴士咁加多幾支柱支持下架車試下得唔得先 。之不過．．．咁樣架車用落去唔多得，點算好呢 哦，之唔係買新車咁攞。好野，Victoria Link一開有新車坐 ！咪住．．．得鐵路局買嘅車夠40年姐，鐵路公司買嘅未夠稱呀，大家都係slow slow sit 下Class 301，睇住佢點樣變成Victoria Link嘅無人教仔列車，再俾人將5道車門平均分配，等你班甜甜稔住七年後有新車坐，原本就係嘅，不過依家改ed朝換ed代，你地即管就一於繼續媚龜啦 

—–

是咁的，最近大家決定一人一組織上垃圾會道暢所欲言，欲罷不能。有咩媚共政客察組啦、蛇宴同鄉會啦、十九政策關注組．．．真係越講越開心，又有馬草泥同星屑醫生繼續助興，睇到我呢個過氣地下大氣電波節目主持幾開心，估唔到垃圾會都有咁嘅一日。 繼我話呢，就應該要開個媚龜鐵膠監察組、見學同樂會、資產暗乘關注組，睇下龜仔係唔係的確真大晒，得閒又可以唔駛俾租，得閒見到前朝盤數唔掂先肯分番錢俾人，得閒拆晒前朝留低嘅placemark又可以當正鐵路infra係自己物業。