龜鐵密語前傳 – 千九公主

http://yuuji.wordpress.com/2010/07/26/metroserect25

相擁著遊世界 向初戀參拜
多麼遠　多麼近　夢太美
夜已深　繼續逛街
相戀像遊世界　日子多飛快
My Love My Love
若老了也會愉快天真如一個少艾

街角訪客影了照片
手裡車票袋裡證件
輕快坐於NR線跟他見面

話說上回講到，幾年前千九公主可以同Class 301 你追我逐嘅日主已經不復再
關於千九公主，一切都要由我細個講起…

話說我一向對East Rail Main Line 嘅認識，都係只限於1998年ATP年代以後。今日East Rail Main Line 呢個名，完全係因為1996年香港仍然係祖國一部分嘅時候，行政局通過Natioal Rail Services響香港嘅西面，再起一條連接新界同市區嘅幹線，為左要分番開現有National Rail Services同新National Rail Services，所以就響WRML未通車之前，先將鐵路公司現有嘅路線，改名做East Rail Main Line。順道，鐵路公司當時差唔多完成ERML嘅集體運輸化計劃，正式將ERML變成為捷運形式嘅鐵路幹線，鐵路公司又有新人事新作風，於是個名就係咁嚟嫁啦。

果陣時，National Rail Services好睇重WRML呢個project。原因好簡單，因為呢條新線正式係以城市捷運系統嘅形式去設計，擺脫晒舊日火車嘅concept，又請埋由龜仔禮過檔嘅人物，實行龜思維遇上膠智慧，愛上兩鐵相連的精采咁話 近呢十幾年嚟，全世界嘅鐵路界都明白：正所謂工欲善其侍，必先利其器，要個鐵路計劃做得好嘅話，車方面都要做架啱駛嘅車，呢方面依家大英祖國首都倫敦嘅Thameslink 同 Crossrail 都識得要搵架啱嘅好車用，費事又好似Class301咁，期望滿落空。

西滿寺架車

1999年，仲係小學 嘅我，當然唔會估到千九公主嘅設計工作經已進行緊。當時，前朝打算要嘅呢架新車，完全係通勤化設計．有Tube Stock嘅加速度，方便進出地下線，仲因為West Rail Main Line 將會有Intercity同埋Freight Trains，所以要行到160km/h。因應ERML好快就有需要提升運力，於是早早就出定標，而入標嘅有西滿寺同前朝嘅老朋友。事緣呢位老朋友先前先幫佢整左雙層芝士孖寶，佢嘅產品唔錯，雖然日本公司一向做外國單呢，除非果間公司有自己嘅國外生意團隊之外，都需要靠中介公司入標。一層一層咁科水，雖然貴就係貴左d，不過日本野又靚又抵用呀，最重要嘅係當時歐洲未進入IGBT年代，連西門子的Taurus機車都仲係用緊SIBAS32 + GTO 咱！三菱又肯同前朝寫套彩色Touch Screen嘅 TMS，你話係唔係抵將標佢攞先？

前朝見之前佢設計嘅雙層芝士孖寶做得咁好．令老朋友刮目相看，於是今次又照辦主換，再設計好架車，就送去老朋友屋企，搵老朋友同佢做。於是老朋友又好開心，因為唔駛自己做呀麻，於是循例試下幫架車試工孭下重野，點知．．．． 千九公主宣報脊骨斷裂，重傷不治．．． 於是老朋友見大家係老主顧，幫佢重新設計過千九公主，而且仲幫重傷的千九公主裝番好唔同嘅件，呢架千九公主長眠左響爆炸猛男屋企，只係個名無改到，所以引起左好多對佢身世嘅猜疑，點都好，佢最後只係作為對照車。

千九公主予想圖

而趁呢段時間，前朝就將千九公主嘅模型，放左響總站度，收集乘客意見，再finalize個設計。一開始嘅時候，千九公主睇落去車門係扇形，十足德國車嘅味道。後來．因為預算到不論邊條線，都有推入乘車嘅機會，於是考慮到車門玻璃嘅承擔能力，最後下線嘅時候，無左呢樣大家預期嘅野。

咪以為千九公主係一架日本車，就樣樣野妥當掂晒呀。事關當年前朝見到日元好似依家咁升到無停，於是就響損耗品上面，避開日本件。例如車門就用左法國嘅飛花利電門，好野嚟嫁；連結器就用左德國貨，連埋剎車同貫通位都係。只係因為老朋友同三菱有合作關係，所以其他電機都係用三菱貨．唯獨是斷路器除外（即係過中性區澎一聲果個呢 ）。呢d德國件後來就因為歐元升勢不停而越嚟越貴，而且需要定期訂件更換．所以千九公主嘅狀況其實係每況越下，例如貫通位咁吖，因為香港線路太差嘅關候，扶手柱成日會打到貫通位嘅板，久而久之，打爛左啦，都係補番算。你話咁樣有咩辦法唔差呢？正如一個靚嘅明星，都要每個月用唔同嘅化妝同護膚品Keep住，條數唔細嫁

千九公主

如是者，響2001年暑假嘅時候，National Rail Services貼出左千九公主嘅試車時間表，平日每朝早上八點幾差唔多九點就有得坐。當然我坐到嘅係無頭等車廂嘅，試車就試足半年，有排慢慢坐。原因係因為當時East Rail Main Line 仲未update 行ATO，千九公主用無段式加減速控制，推小小架車就係咁去，真係要時間適應嘅又。千九公主每開門同閂門都要咁制兩秒，俾人咁左EHP到站之後又要reset 番先可以有牽引電力，又好埋市電架車差唔多停就會有Brake，門燈呢如果響CM Mode又會長著，都咪話唔麻煩。雖則Airbus 嘅飛機都係要隻手放響手枕上操作支Sidestick，不過響火車我稔真係唔多好．．．．．

2002年，當時我住過一排紅磡，於是要每朝坐06:45響紅磡開嘅火炭特車，如果係千九公主嘅話，全程開定速Mode，Target又唔低，差唔多10分鐘就可以去到沙田站，同依家係兩個世界。不過呢程車過左幾年後，就因為車廂內板的接位膠風蝕得好勁，加左d漏風聲。直到2006 年Class 301 操勞過度之後，因為千九公主經常咬爛前面嘅Class301，仲日日都拖開晒同後面嘅距離，所以就一次過改晒同Class 301 一樣嘅加速度，最快仲唔可以快過105km/h，除非遇上伯樂王子，用人手駕駛先可以解除千九公主嘅封印

到最近，千九公主差唔多十歲，個冷氣都差唔多時候，龜仔為左唔買新件換落去，就拎左79Stock嘅冷氣落去添。依家千九公主要嘅牽引器件開始出問題，我仲咁啱親眼見到有West Rail Main Line 的千九公主因為咁病重入院。欠落幾十萬醫藥費先可以出院，d藥仲要響英國道嚟，睇嚟要出院無咁快啦．．． 唯一係冷房嘅件，可以響荒島嘅Tube Stock攞件．．．

——–

話說最近瑞銀車長響網上話人行為低劣，叫人要知訂同識趣  ，之後有人貼佢樣就發晒爛，仲俾人寫埋上EVCHK添。話說瑞銀話佢自己身為港鐵員工，原本可以好幫到版友咁．．．嘩唔該，你依家係放緊生草藥，放緊毒藥出嚟害人，我真係寧願你唔講好過，費事個個俾你冼餐甘。 不過咁，瑞銀你就真係好受歡迎嘅連Facebook fan page都有埋，邊個夠你威吖