龜鐵密語 – 賽後檢討

http://yuuji.wordpress.com/2010/09/23/metroserect28/

盧克思公園，呢個係垃圾灣綫嘅尾站，多謝乘搭龜鐵
Lohas Park, the end of Junk Bay Line. This train terminates here, all change please. Thank you for traveling on Kametetsu.

一年前，我為大家報導過K仔尋找他家的故事。當時講到K仔要好似孽子嘅主角咁要寄人蘺下；不過一年後嘅今日，除左龜鐵密語一歲生日之外，劇情都一樣峰迴路轉，因為K仔終於可以番到垃圾灣嘅屋企啦

話說夢幻之城開之前，K仔曾經有機會番屋企，但係成日唔識認路，攪到終於都stopshort 或者係overun咁。所以每日綠色線都會唔見左4個run咁話  於是咁，就唯有繼續用住79Stock行住先，嘈都好過無啦。K車響垃圾灣線行多幾日，就發現原來每日繁忙時間，每個run都會遲成分幾鐘有多，於是響K車搬左屋之後，綠色線唔見左嘅四個run就番番來，不過就輪到垃圾灣綫唔見四個run。唔止呀，當時K車響垃圾灣仲試過唔識得自動掉番頭出嚟，再唔係就唔識出PA，攪到一頭煙。

但係K車終究唔可以每日令逼到爆炸嘅綠色線唔見4個run，又唔可以要夢幻之城嘅居民日日硬頂住d噪音，咁就唯有查明真相啦，睇下K車邊道出問題啦 

K仔嘅天生手腦不協調問題點解響垃圾灣特別嚴重呢？係因為垃圾灣綫通車嘅時候，79Stock因為線形影響而噪音極盛，甚至超過危害聽覺水平嘅90db，所以垃圾灣綫唔少地方都有好多TSR，希望架車行慢d唔會咁惡頂。之但係就因為咁樣，K仔入站嘅時候好容易就會輕輕落小小brake。上年講過K車個腦就講開韓文，套三菱IGBT-VVVF就講日文。當K車嘅brake 超過5秒用少過10%嘅話，個腦就會以為係回生失效，chok開左保護機制，將回生制動鎖起停用直到架車停為止。而且垃圾灣線係一條照足荒島鐵路複製出嚟為主嘅低成本製作，所以架線唔可以接收得好多架車回出嚟嘅電。於是一回生失效呢，又會手腦不協調啦。

所以響K車番屋企之前，以前set 落嘅TSR就要全部取消。防止ATO再輕輕落brake，改左要一入站就學曾蔭權咁要玩舖勁嘅。所以依家如果係一個站去隔離個（例吊頸嶺 去 垃圾灣）係快左嘅。係快左嘅。

咦喂喂．．．咪住先，點解搭一個站先快？成程車唔快呢？

哦是咁的，就算K車每個站到正正常常生生性性都好，每程車仲係遲起碼分幾鐘以上。所以K車回家頭一個星期，d車遲到一氣過堆晒響北角3台，前車一離台，後車又入站，攪到每抽車都載得一半客就要走，到每個站一開門就話要閂，真係心稔一句：＿＿＿ 事關大家坐過K仔都知道，K車Start車慢過79 Stock、道門又慢、如果響北角清客嘅話就要等清左燈先至會open-up cab，再開車．．．好啦，如果到左寶琳又要等車門完全打開之後先可以shut down，如果唔係所有車門就會即時關上夾客嫁啦，連推EB超過4秒都會咁嫁，你話好唔好玩呢 咁夢幻之城呢？果度d居民好鐘意佢地嫁wor  哦．．．結論係．．．唔係好開胃，唔該停手pls．．．因為到站調頭後如果燈未清嘅話，就會之後唔識閂門，要咁多次DPA，ATDC先會訓醒起番身，唔通真係垃圾灣屋企隔離好訓d？！？！？

咁就解釋左點解好日都唔會見到K仔入夢幻之城，依家啱啱好13抽K仔 + 2抽79 Stock 要嚟行夢幻之城shuttle 呢依家除左轉車站之外，每個站都會比以前停少4秒，未可以遲少d攞！ 想終極解K車嘅問題？除左可以好似依家繁忙時間行CM可以每個站快10-15秒之外，咁就要俾多七位數字嘅價錢去執下個腦，同訓練下手腳咁。或者等出年2011 Stock嚟左之後，再加兩抽79 stock 落去，開密d車 就ok嫁啦

—–

呢排大家講起北海島綫，有兩個人就不得不提嘅。話說成十年前，特衰政府就有個計劃將荒島線駁落去海島綫，海島綫呢就駁入去垃圾灣綫。咁大家都知道荒島列車個身係大過晒our beloved 79 Stock，好多年前荒島列車過九龍灣屋企嘅時候要攪巨陣象先勉強過到去。於是有位BVE界老海鮮（Old Seafood）就話俾我地聽，世界級鐵路咁大間公司，斷估唔會無腦成咁呀？答案就係咁無腦，佢自己響龜仔做應該都好清楚吖，唔駛做護主犬做得咁好睇wor，佢未又係我口中自稱嘅低級職員，咁高咁大姐。不過如果龜仔唔係咁無腦，就唔會有呢個龜釣墨魚啦 為左解決呢個問題，實現政府嘅方案，又有位模擬笨奶奶就同我地講因為社會效益，技術問題wfc，俾咁多錢請班工程嘅番嚟就係解決問題，問番咁多位佢地呢類城市虧挖屍搵得多錢定係工程搵得多錢。不過係人有個腦都知道，人嘅耳仔入到支綿花棒姐，唔代表監粗塞個電鑽入係可以嫁wor。哎不過咁，佢呢類城市虧挖屍只係識得指手劃腳得個講字，工程係要用專業知識去解決問題。城市虧挖屍，技術問題 WFC？咁不如炸左個世界佢未晒d無問題攞