http://yuuji.wordpress.com/2009/09/16/metroserect10

哎．．．終於響非馬拉松式嘅情況下睇晒d<<孽子>>w　估唔到我咁嘅年紀就要已煲劇為生，好彩我唔駛貢獻俾無綫劇集台姐（大誤）

呢幾日染左唔係豬流感嘅流感，成功爭取響星期一攞病假，星期二又打風，唔錯唔錯。

正當我響度嘆緊d悠長假期嘅時候，諗住想出去行下，點知今次又大開界zzz

顛人台一話打風大家就緊係快d番屋企，你又衝我又趕咁樣．．．啱啱同個女仔一齊經過海底隧道收費廣場條天橋嘅時候見到巴士站咁多人都不已為然，因為平日呢個時間都係咁。點知落到月台．．．嘩w　佢上左西線，就到我上東線啦。因為響咁嘅時候要肩負住供電嘅神聖偉巨任務，唔駛問全部千九就會出晒嚟，壞車都照要出，所以好彩唔駛上烏蠅頭 。話說香港嘅乘客真係好特別，響金鍾呢就個個要學我咁推入乘車（拿唔係駆け込み乗車 wor），響紅磡呢就見架車開始逼就企響道等車，唔知係唔係俾南昌站d客教壞左，所以架車仲有d位俾我上。架車一出MKK嘅時候原本我稔住食住花生等睇戲，體下九龍塘嘅盛況係點先。

架千九一出MKK嘅時候聽到架車減緊速都覺得有d唔對路，稔住可能係d block未清晒，點知架千九就咁停左響道．．． 過多分幾鐘之後，架車郁番稔住無事，點知道去到MKK=>KOT嘅一半架車又停左兩分鐘．．． 當然咁就真係好唔對路，話說東鐵嘅大站係有用計軸器劃sub-block出嚟，所以九龍塘呀大圍呀係特別多計軸器架w　如果響有sub-block嘅車站，前車一清左個sub-block，你就可以跟住佢車尾行啦，而TBL字幕就會打出「跟進」（follow-on）嘅字樣。因為一個站最多可以有六個sub-block，咁所以大家可能會見到同一個月台可以有兩抽車一齊，一個出，一個入。咁九龍塘有得Sub-block嘅，理應係唔會發生呢個情況嘅，最多都應該係架車去到九龍塘前面龜轆向前，或者如果前車係未走嘅話，就係響MKK=>KOT嘅一半，即係relay燈附近headway board前面停低。

如是我稔番起幾日前，有師兄話架車入緊KOT嘅時候個跟進mode jam實左，俾d客望住晒 點解呢？因為九龍塘站嘅計軸器神早壞得七七八八．．．下？唔係掛．．．係，這則消息係真確的．．．呀唔係．．．據聞這則消息是真的。拿我地咁講野就唔怕有捉鬼行動啦，大家都知道我真係無咁勇周圍爆野俾甜聽，咁就真係害唔少人。 咁既然計軸器out of service，就梗係唔見左d sub-block啦，唔見左d sub-block嘅時候，就即係個九龍塘得番一個完整嘅block，由站前面去到隧道口前。咪以為一個站無左d sub-block係好少事，攞番上面件事嚟講，打風嘅時候headway2分鐘，我坐緊架車響MKK出面塞住左，咁後車自然響MKK唔駛走，後後車就要停低響MKK入站前嘅Headway Board。當我架車郁番嘅時候又有車響紅磡出嚟，同樣又會入唔到MKK前面，於是紅磡如果有車響4號月台出嚟，而前面又塞車嘅時候就會令入紅磡，即係Down Track嘅波口俾出去Up Track嘅車佔用左，咁入紅磡站嘅車就要響變電站付近停低。後車又會塞住MKK，之後到九龍塘塞．．．九龍塘因為無左Sub-block就要等12卡出晒九龍塘後車先出到隧道．．．如果你大圍嘅sub-block無左，反而無咁大鑊，因為沙田至大圍之間嘅Block數算多，而且仲有成個隧道做buffer，但係如果你死左響九龍塘就真係大煲啦，尤其是九龍塘嘅dwell time咁多，架車停左響九龍塘就真係有排等。所以national geographic有句名言話disaster won’t just happen, it must have a critical chain behind. w

雖然之前個星期新嘅Thales製計軸器就裝左，而且放左響舊嘅隔離一齊坐，點知高高層又未簽名俾用住，咁於是舊嘅無人理，新嘅又未用得，學特衰政府咁拖法，出事嫁麻！

當成個繁忙時間係咁塞車之後，稔住打風嘅第一日可以過去之後，到差唔多淩晨十二點響大學站有樹枝斷左吹左落去大學站down track嘅架線道，啱啱有架車差唔多響果個位，好彩就無乜大礙，所有down track嘅車就去左up track個月台度落客之後走人，咁headway 15分鐘一班，而且upline收左車都唔係太大問題。但係咁樣攪一攪就阻左成20分鐘，呢個時候有個女人話：哎，阻遲咁多，我趕住時間嫁，哎點好呢．．．哎．．煩到w　個站務上到車，本來個女人想問佢幾多分鐘一班，個站務膠到費時理佢。 到架車去到九龍塘嘅時候，地鐵果邊經已開左尾車，咁d客點呢？

出面又無巴士，接駁巴士又係九巴嘅，即係都唔行得，屯門有自己巴士，但係司機就收晒工。於是都係無巴士

d客去到九龍塘唔只無車坐，仲要食地鐵職員d西口西面西態度。呢個龜鐵站好勁架！點解呢？因為呢個雖然係大站，但係唔多駛做野嘅。試過有一次身上咁啱無八達通，想買張單程飛去青衣，咁又無散紙，就梗係去CUC啦。去到CUC先知道原來龜鐵嘅CUC係唔賣飛嘅，咁結果佢一句聲都無出，就找番晒d散銀俾我，之後話：依家去售票機買未得攞，下位吖唔該。真係救命，你可唔可以話我知道，呢道唔會有車票賣嘅，麻煩去售票機吖，真係唔知咩態度。合併之前如果你問路佢又唔識答嘅話呢，佢會指你去粉紅色果邊再問多一次。粉紅色，即係邊度呀？之唔係叫你去Nation Rail Services九龍塘車站攞。平日National Rail Services南行北行尾班火車走晒，呢個站就由得d客好似白癡仔咁跑去東鐵大堂，之後又跑番番過嚟搵巴士坐，話就話心的服務，實際就話知你死吖。

咁d客走唔到嘅時候仲俾SO話：你地無理由唔知道尾車時間嫁wor！喂阿先生，響鐵路車站做得，d客唔知道未唔知道攞，駛唔駛要佢背埋例書dress code先准走呀？仲要好似係d客呃你，搵你笨咁。無端端一點半嘅時候咁多客走過來你都知道有問題啦！

班客無車走，出面又落緊巨雨，又巨風，咁唯有問8樓可以點做好。於是8樓就話：你個站每人派一百蚊俾佢坐的士走啦。嘩，世界級鐵平日死慳爛抵，竟然會做曾蔭權都唔會做嘅派錢呀？係呀，呢個消息都是真確的！於是，一夜之間個站又唔見左幾千蚊，d客又無點嘈，面向世界部就繼續響underwater bay嘅辦公室辦公。不過又話有個女人唔肯走稔住等頭車，響個站道3點幾都唔走，唔知道係唔係頭先講果位呢？

見到外面陽光咁好，空氣又清新。又有邊個會稔到呢間號稱世界級鐵路嘅公司一個颱風天就可以爆咁多鑊呢．．．

咁d計軸器點呢？哦，尋日繁忙時間塞車塞到一鑊粥之後，9樓就會即刻簽名俾你裝嫁啦。囧

var gaJsHost = ((“https:” == document.location.protocol) ? “https://ssl.” : “http://www.”);
document.write(unescape(“%3Cscript src=’” + gaJsHost + “google-analytics.com/ga.js’ type=’text/javascript’%3E%3C/script%3E”));

try {
var pageTracker = _gat._getTracker(“UA-11682536-1″);
pageTracker._trackPageview();
} catch(err) {}

http://yuuji.wordpress.com/2009/08/17/mtrfare/

一天前，九龍南線的通車引起了很多的討論說．．．為甚麼到南昌的車費還要比去柯士甸站要便宜，於是解釋了原因之後，小的還說了一大篇港鐵的車費是怎樣計算的．．．結果說完了之後，小的說了一句話：坐港鐵的確是一個吸水局wwwww　幸好，小的坐港鐵是可以……（消音w）

其實香港鐵路的車費計算辦法的確是很複雜的，因為計算的方法是：先以里程作為計算的基礎，再以收費區作實際計算辦法；之後在結果上加上建設成本付加費（時效收費）和轉成收費。嘩．．．．．那到底是怎樣把收費弄出來的呢！？我們先回到2004年．．．

當時馬鞍山鐵路的收費劃為兩個收費區：沙田收費區馬鞍山收費區。如果來往沙田收費區之內的車站的話就收費$3.2，一但誇區的話就要收費$4.5。可是由石門到大水坑雖然是屬誇區旅程，不過這時候就會因為這兩個車站其實是很接近的，所以就在里程上考量收費$3.2。那如果是由第一城站去大圍站的話，雖然表面上同屬一個收費區，可是大圍站屬於「東鐵南/北行」，所以就要收$4.5，一但去到九龍塘站呢就是「東鐵南行」，要收費$5.6。再如果去尖東站的話，因為乘客要補貼尖東站建設成本，如是收費方法是：「馬鐵沙田收費區」+「東鐵南行」（轉乘收費）+「尖東站建設費」（時效收費）= $8.4！

兩鐵合併之後，港鐵就用同樣模式套用在全香港的鐵路收費上。而在收費區合併之後，為了要遷就原有九鐵的車費設定，於是收費就更為複雜。

例如由尖沙咀到九龍塘，就跟隨了東鐵綫由尖東到九龍塘的收費，可是當年的建設費補貼還在呢！結果呢，如果由尖沙咀到油麻地是收$3.6，如果一到旺角東的話就會是$4.4，都是因為系統當作你是由尖東到旺角東。所以呢同樣由紅磡到南昌要比去柯士甸貴$0.5，因為系統是跟本分不開你是由九龍塘經地鐵的網絡到柯士甸還是經東鐵綫，所以為了保障港鐵公司自身利益，系統就一定要將所有同樣目的地方，但是可以有不同經路的旅程惡意假設為使用最高收費的方法進行w　而且柯士甸站其實在八達通的車費計算邏輯上是屬於九龍站，如果乘客由尖沙咀站經港島線等到九龍站，收費都會是一樣的，於是收費就是這樣給定下來的。

大家可以在所有港鐵車站見到收費表寫住由此站往一堆車站是一個價錢，再另一堆車站是一個價錢。相比起其他地方地下鐵系統的車費制定方法，香港的模式不多不少是都是在搶乘客金錢。而且合併後很多的問題都衍生出來，比如說你拿住東鐵綫全月通由上環站入閘到沙田站，系統會先扣除你在港島綫和荃灣綫的車費，如果照一般乘客在尖東轉綫的方法，在尖沙咀出閘之後你要付足整個港島綫和荃灣綫的車費。可是因為你在東鐵綫是不用付錢的，結果系統就不會處理你在東鐵綫車程的車費，如果你在東鐵綫出閘離開的話，因為出閘機是沒有辦法加錢進你八達通的。所以合併後轉乘的車費優惠將不可以享受到，造成每天東鐵綫 / 西鐵綫全月通的用戶都給多扣錢，可是問題還是解決不了呢！唯一可行的辦法是轉用新的智能卡，除非用十數億的價錢要全香港的所有八達通機改裝程式。

所以說，合併之後每程減收的$0.2，其實每天都在其他地方「自我補貼」中w