龜鐵密語 – 頭文字D

https://yuuji.wordpress.com/2009/09/06/metroserect09/

(打嘅時候繼續睇緊孽子,所以可能會有錯字)講番起都成差唔多十年前,嘩,時間真係過得好快。好記得2000年嘅時候,atv響星期六夜晚十點半播果時日本興左幾年嘅頭文字D,果時頭D一出街,日本都唔知道幾多drift族改埋自己架車來玩甩尾,攪到香港興起左一陣甩尾飄移潮w 個個唔係講架車點甩到尾呢,就係可以唔洗拉手制就涉個轆落坑渠都飄移。連帶果時小的一直有suscribe 開嘅人車誌(總部響美國,香港自行編採出版嘅汽車雜誌)Tech Ops欄目都有講Drift。

好多人未必知道,香港d職業司機有種憎人富貴厭人窮嘅稔法。好多人見到架市電響路軌道行,轉彎又慢到zzz,市電司機渣巴士嘅時候打斜入站阻住條路,自然就無乜人鍾意d市電同個司機。不過呢,依家輕鐵識甩尾嫁w 仲勁過街上面d車w

嘩...話說發生咩事呢w?魚缸車嚟香港之後,大家都好高興可以有新野睇。當然,新車落地又要測試呢樣,又要測試果樣,大把野做。之前就安左發泡膠測試完車輛限界,好彩無造大左,無再發生大K仔嘅問題(汗)。於是有一日行完街街曬完太陽之後,高高興興入番去屋企度食完飯再睡覺。新界市電嘅屋企係要轉左入去嘅,魚缸車一入到屋企門口就冼低左,再好似世界級花式滑冰嘅選手咁甩埋個尾,又要學Fujihara san咁飄移過彎,真係笑到我轆已甩wwwwwww 呀唔係wor,架魚缸車真係轆已甩左...OMG www

咁大家都知道平時火車係要響鐵軌上面行,不過今次呢個甩尾呢並唔係響鐵軌嘅服務範圍,架車軸重都係以噸位計算,魚缸車隻腳一踩左落去d枕頭道,就自然會整爛佢地啦...但係果條路係入屋企條路嚟,雖然話有兩條路可以入屋企,但係另一條路要先兜過後花園先去到客廳,所以呢一千零一條路就要進行深夜特貫工事來整番好,如果唔係麻煩到全屋人...咁佢飄完移之後,大家就當然就梗係想仔細了解下,魚缸車有咩神乎奇技可以成為鐵路車輛甩尾記錄保持者,睇下係唔係有咩特異功能令到佢可以反重力自行離開鐵軌www 點知一拆開左之後...巨鑊攞!

話說市電隻腳的確係一個state-of-art嘅作品,因為世界上好少話玩路面電車玩到佢咁樣,可以轉彎轉到隻腳離開埋自己個車身。火車隻腳本身有一活動範圍嚟,因此隻腳上面有個空氣袋嚟托住架車,如果你亂咁郁係會拉爆個氣袋嫁。所以控制到隻腳活動幅度可以咁大,又唔整爆個空氣袋呢,基本上你搵得西門子整腳都無錯嫁啦。點知道拆左對腳出嚟之後,發覺裡面有問題,令到對腳響正常速度行路轉彎呢會玩甩尾飄移,同拓海一樣,唔駛拉手制嫁!w  裡面有問題,又發覺整唔到。咁新車落地仲係響維修合約期內,就一定要袋鼠國嘅「想節能.過你能」嘅過你能公司整番好架車佢,話晒架車係佢整出嚟,依家佢自己俾左大陸做仲要收National Rail Services公價一架車,仲唔要快d執好佢?

成龍話電視機中國製嘅會爆炸,原來火車都會!當過你能公司想執番好佢嘅時候,好自然要上車睇睇,上車嘅時候度門竟然唔識開,龜仔話d乘客利用佢嘅網絡出出入入好方便,仲整埋首歌日日響個站道播出出入入好鬼煩。依家呢,架車係入都入唔到!再睇落去就發覺魚缸車裡面嘅電線同喉管縱橫交錯,仲複雜過個市電嘅軌道配置圖。複雜唔緊要,小的見開飛機嘅線仲複雜,點知道全部都係去錯晒地方zzz 攪到你咁呢個制就開左果樣,咁果個制就開左呢樣。

駁錯野呢,真係可以好巨鑊嫁。事關之前響大陸郴州市兩架SS8炒埋一碟嘅意外,原來係話裝魚缸車嘅浦震裝其中一抽SS8後面嘅客車果時剎車喉管都有問題,攪到連自動空氣制動 — 透過放出氣缸嘅空氣來令剎車逼實車轆咁基本又簡單嘅剎車都失得效。即係話今次魚缸嘅野係又前科嫁啦!點知我上網見到有人話:中國共產黨識得整火箭上太空,連裝架輕鐵都會有問題?不過呢,呢個宇宙有樣野叫技術黑洞嘅,日本夠可以做新幹線子彈火車啦,1995年未買法國貨番嚟之前未又係無做電動車門嘅技術!果個人仲話:係澳洲過你能設計d次貨俾人裝,依家賴晒人。嘩,我到之後真係以為係黨八股,真係有少少衝動貼去高登做潮文分享wwwwww 因為唔睇唔知道原來中國依家有激光定位裝勘技術,精確至裝勘一架波音777客機都只係有0.01mm誤差。浦震呢個激光定位裝勘技術可以準確到呢連人地張圖紙劃到d螺絲位錯晒,佢都可以照做,攪到魚缸車想學天線低低B咁,響自己頭頂個載水位整支天線接收下偉大嘅金正日主席講嘅野都唔得,大家話共產黨嘅成就係唔係好值得大家心繫呢個膠國呢 不過呢為人兄最好解解畫點解3車係過你能做又無事嘅,唔通有人存心因為熱比婭事件而害中共?!

哎,依家隻腳拆左出嚟之後裝唔番入去,真係唔知道市電1車唔知會唔會有事...原本National Rail Services想將個1車翻新tender批俾川崎重工。川重老實講我個人好討厭佢d電車,機車佢反而ok,再加上佢年年唔夠單,攪到要賣野俾中共,真係對佢死晒心。不過龜仔自從將佢d車現袋化開始,受左佢好多恩惠,都係因為咁開始左個龜鐵密語...翻新一車嘅事就繼續交由過你能負責,所以有咩事出龜仔張單吖唔該。

好啦,依家架車d電線去錯晒位,轆又已甩...又做唔到天線低低B,咁可以點算呢?公司門口電視機隔離隻菊目菊科向日葵仔話我地知應該要有創造價值,要創新!所以呢,不如依家MK咁多天台燒烤會,就將架魚缸車賣俾佢地,將個爐搬入去裡面燒野食,咁未可以有冷氣又唔洗怕落雨攞。呀唔得,佢會漏水添...就不如...香港一向都面對住溫室唔夠嘅問題,依家香港又開始興有機種植,你話有個空間可以俾d植物響入面種,又可以有空氣調節咁真係Perfect,最重要嘅係老屈到過你能要求退貨之如,又可以創造到盈利
呀呢...講左咁耐唔係港島有另一個市電嘅咩?哦,其實市電係市營路面電車嘅意思,National Rail Service係政府全資擁有嘅,仲唔係香港市營路面電車?係d香港人唔知道先亂用呢個term形容d私鐵姐。

 

6 thoughts on “龜鐵密語 – 頭文字D

  1. Will says:

    I am glad to see this posted. I had heard about it but not read it yet. The big question for me is will mass resignations really work? Always good to see people using the freedom of Internet to discuss Hong Kong politics.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s