龜鐵密語前傳 – 邊緣乘客

https://yuuji.wordpress.com/2009/11/27/metrosecret17/

往尖東列車現在到站,乘客請勿超越黃線。暗乘時,請小心月台與車廂間嘅空隙。
往尖东的列车现在到站,请乘客不要超越黄线。暗乘时,请小心月台与车厢之间的空隙。
The train for East Tsim Sha Tsui is approaching, please stand behind the yellow line and mind the platform gap when boarding secretly.

天造之材,
走進迷陣,
剎那貪快,
情天也變陰,
無邊遺憾
不可一,不可再。
向衝門說不,向意外說不。

一片愁雲慘霧只因為一個月台空隙.....哎...我細個嘅時候都試過跌過落去九龍塘站嘅月台空隙,好彩我阿爸阿媽一手將我拉番起,總算無事。呢幾年,隨住基電柱話咩要響電梯道要緊握扶手,企定定唔准郁,結果就越嚟越多乘客要衝入乘車(駆け込み乗車),嚟快得一分鐘得一分鐘 結果掛住衝上車,就會唔得得左其實National Rail services嘅車站因為響柴頭時代留低嘅,彎位特別巨。

大家都知道香港係英國不可分割嘅一部分,咁響英國嘅情況又點呢?好多車站本身段差同彎道都好巨,甚至你隻腳踢到個空氣袋都未上到車,香港嘅段差同空隙都細過British Rail,所以叫做好好嫁啦...又好似呢幅圖咁,為左俾Tube嘅乘客可以響同一個月台轉乘National Rail services,所以就得架地鐵嚟,火車就唔多掂

除此之外,人身事故都係困擾National Rail services嘅難題之一。National Rail services為左由國際級鐵路,晉身世界級鐵路,響起價值幾百億嘅西線嘅時候因為請左虧鐵而嚟嘅工程師,所以照樣參照玫瑰園計劃嘅荒島綫咁,本身就設計有玻璃幕門。 咁但係自己條本線都要嫁,如果唔係好似依家經濟不景氣咁三日唔埋兩日又人身事故,咁大家番工番學放工放學都唔駛旨意有車搭。

於是乎,繼90年代National Rail services通勤五方面作戰之後(車輛+信號+車站+噪音+客服),又要搵顧問公司稔下要點可以裝到玻璃幕門。當時虧鐵就話,響地上車站裝唔到幕門係因為車站無冷氣,裝完之後只會侷死客,所以暫且不提。 咦...巨鑊...National Rail services個個車站都唔響地下,咁未唔駛裝??!?!?! 於是乎就唯有響島式月台車站嘅月台上蓋加冷氣機,如果係側式月台呢,就響幕門度加三菱制通風機,再用本身車站係背面非封密嘅嘅特性嚟通氣。嘩...咁西線嘅日本幕門都好大塊玻璃,咁重會唔會冧月台嫁?頭先都話ed,香港係英國不可分割嘅一部分,起野用料比標準多幾倍,所以唔駛慌。咁點解又傳說話幕門會整冧月台呢? 1. 傳聞虧鐵為左拖延起幕門而講嘅 2. 甜人連月台幕門會倒塌都講得出,有咩9up佢地唔識講呢?拿我地一年交咁多錢碎,就係養埋d咁嘅(有大元貝話佢地叫弱智兒童)人啦。

不過大家坐過西線之後都會知道呢隻日本幕門響近地面嘅位置會有一個斜出嚟嘅box,佔位都唔係話小,咁響National Rail services上面個月台就就嚟逼番落大堂,再加野就認真唔多掂。咁唯有安月台閘,薄到貼,簡單又方便w

日本係最先用薄形月台閘嘅地方,於是發展到目前,基本上每間公司嘅每隻型號都會連動開關門提示音嘅功能。當時顧問公司曾經提議過National Rail services用日本嘅月台柵,不過佢地嘅睇法同田少一樣:如果乘客衝門,或者響車門關上前一刻上唔到車而月台柵又閂埋左嘅話,就會被困響「月台與車廂間之空隙」,後無路可退,前無路可進。

但係顧問公司居然無指出其實日本嘅可動式月台柵其實都有紅外線感應,如果有障礙物呢,佢係唔會閂嘅,咁個客未可以出番嚟攞,於是乎田少最關注嘅問題就唔存在啦。不過既然無人知道問題已解決,此post已完嘅時候,大家依然好認真咁去考慮月台空隙嘅問題,於是顧問公司就同時再指出左日本有第二d solution去解決月台空隙嘅問題,就係響月台閘打開嘅時候伸出嘅月台伸縮板,裝左之後就perfect晒啦(佢地估)

結果又要招標搵番West Rail Main Line 幕門嘅果間公司嚟同佢地研究點樣做月台伸縮板嘅呢隻新product出嚟,希望可以好似日本咁combine埋月台閘嘅運作。於是由前朝攪到依家改埋朝換埋代,個試驗計劃都要繼續做。但係點解依家又試到無晒聲氣呢?

第一係因為如果有乘客企響月台踏板上面,佢係唔會郁嘅,咁到時又要趕羊咁趕番佢走,唔好阻住地球轉。

第二就係個月台板要同信號系統傾下計,談下心。例如話車到嘅時候,要架車經信號系統叫踏板伸出嚟。之後呢,踏板又要同TBL講「我伸左出嚟啦」。咁TBL就會將個Target speed變 – – – ,唔准郁。 於是係咁,車門先可以打開。車門閂ed之後就又要經TBL叫踏板收埋,收埋晒之後先可以有番target speed行車。如是者,每次攪一攪都成十幾二十秒。東鐵每程車個個站務都會遲十幾二十秒先肯閃燈開車,再個個站都要有踏板攪十幾二十秒,睇怕都可以全日用定速Mode運作。

不過唔係話日本月台柵係唔會響有障礙物嘅情況下閂埋嘅咩?咁仲諗咩月台踏板呀?
WFC?都無人知道呢個真確的嘅事實 依家改朝換代之後,烏龜鐵路實會同你裝法國飛花利玻璃閘(即係響荒島綫果隻呀),不過法國月台閘要用另外一條柱做障礙物橫向感應,閘門本身又厚,可以入得垃圾筒 棄老洞,到時車門閂左,月台門又閂埋,慢慢同空隙玩遊戲都未遲嫁 就算依家佢會俾錢用日本月台柵,輿論又話要解決空隙問題,唔好再俾天造之材因為殺那貪快而走進迷陣。同埋就係,依家烏龜鐵路跟本唔記得要裝嘅係月台閘門,唔係伸縮板,伸縮板只係因為唔知道日本月台柵有障礙物就唔會閂驚大家跌落空隙先要裝,要東線同礦場下的鐵路有月台閘?下世啦。

——

題外話:話說今日坐East Rail Main Line嘅時候,架高達烏蠅頭去到隧道中心突然間講野 ,大家都知道響隧道講野真係可以嚇死人。小的人老呆癡不特止,仲唔多嚇得...俾佢咁玩法真係唔多掂。不過稔時稔唔通高達烏蠅頭經過上次響我屋企樓下嘅人身事故之後變左瑞士銀行愆生產品列車

4 thoughts on “龜鐵密語前傳 – 邊緣乘客

  1. 龜龜應該唔會考慮kyosan….
    一來唔係透明唔夠”美觀”, 二來龜龜同同法國朋友好似friend底d咁

    係bor日本話可變式月台門無哂聲氣咁ge?

  2. TC says:

    如果唔裝月台伸縮板
    會唔會d人一日未開門一日都唔知個空隙有幾大
    變左一開閘門d人就踩左落個gap度呢?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s