龜鐵密語 – 向惡夢說不

https://yuuji.wordpress.com/2009/12/08/metroserect18/

他吸毒 也給毒品吸去他的一切

天造之材
走進迷陣
暗處偷生 惶恐下半生

識左特區政府12年,終於講番句啱嘅野, 就係要向惡夢說不。

一向番外篇都係用嚟攪笑呀同恥笑。方便各位九龍灣嘅高高層睇完龜鐵密語之後,都可以笑番下。不過今次俾大家笑嘅係一班甜到惹蟻嘅甜人。拿,唔關我事嫁,係佢地自己出醜俾全世界睇,我只係將佢地嘅醜行俾大家睇下咁 VV

話說垃圾灣屋企嘅家頭細務外判合約完左之後,K仔又識路番屋企之後,K仔仍然要響垃圾灣綫生活。最近呢幾日有K仔響垃圾灣綫出現,就四方八面有甜人開po,打鑼打鼓,公告天下話K仔可以番屋企啦。仲拍晒心口話,依家係時候K仔會搬番垃圾灣住,終於有巨團圓結局。

響我打呢個番外篇嘅時候,K仔響垃圾灣暫住係第二日。不過唔知道十日後各位甜人見到K仔番番綠色線係唔係要切腹自殺以謝天下呢?

K仔之所以番唔到屋企,系因為K仔學完國語台語之後,又要上堂學新野。但係上堂係要錢嘅,唔知道又會唔會有人俾錢呢??!?!

K仔可以番入去垃圾灣,最開心嘅只有乘客。車長因為K車嘅console唔好用就唔開心,擺手又唔係,放野上去又唔係,食野又唔係,想訓下?冬菇制同講野制響你前面,保證你唔敢掂。K車平日上落客,咁個制關門要等5秒佢先可以閂門;又因為2002夾過客入醫院之後,閂門都要停一停稔一稔,閂好門之後呢,又要一陣先可以開到車。要收工咩?又要開晒車門先可以走。至於依家夢幻之城開左之後,去夢幻之城嘅車,響調景嶺站要等前車走左先,再由五桂山暗乘出去月台。不過講就簡單,說時遲,那時快,綠色綫架車嚟到,前車唔走得,後車就唯有得個等字。當去夢幻之城架車可以響月台俾大家坐嘅時候,後車又嚟啦!

拿我地依家計數下呀:停站23秒 + 咁閂門制之後要5秒先關門 + 閂門要6秒 + 夾客再重開要2秒 + 閂門制之後要5秒先關門 + 閂門要6秒 = …….

如果大家有響非煩忙時間去過吊鏡嶺站,就會知道依家用Mod車都只係啱啱好,煩忙時間跟本就炸已爆...,所以站務又唔開心、SA又唔開心,OCC又唔開心。

於是又有甜人話,咁唔好響綠色綫同垃圾灣綫,未無問題攞!所以話你地真係好勁,龜鐵嘅運作環境都係差唔多,K仔響呢條線有嘅問題,就條條綫都有。就算係響老鼠線,都會因為條線係單線,阻住條線行。於是響綠色綫嘅暗處偷生,真係惶恐下半生..唔止呀,垃圾灣綫為左要俾佢地嚟,整好晒d煙肉之後,依家又攪到Mod車有事...

咁點解K仔響垃圾灣暫住呢?哦,佢地只係做替工咁大把姐,順便又睇下K仔係唔係真係可以番到屋企,不過d甜人放晒爆仗咁,唔知道兩年之後祖國同胞同K仔一齊住響綠色線嘅時候,各位甜人又洗唔洗擺幾圍興祝呢?

所以話呢...你食K仔咩?你都會俾毒品吸去你的一切,變成一個 惡 夢...你索K,K仔都向你索命

5 thoughts on “龜鐵密語 – 向惡夢說不

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s