龜鐵密語 — 人生於世上最緊要個家

https://yuuji.wordpress.com/2010/01/21/metrosecret20/

人生於世上最緊要個家
一生種下人地情
早上落田用我雙手創豐收
晚來閒話句句溫暖

簡單的快樂
可否再續弦下半生
你的發財大路
可否不進入我家 …..

1月16日,係黑暗嘅一日。終於...終於,反抗669撥款的戰爭,正式都輸左。

係因為有一班投票機器唔畀人問野,不顧一切支持之外,大家連高鐵係咩一回事都矇查查,咩都唔知,只係以為同大陸駁多條線咁。加上武廣開張之後,各大統媒努力為高鐵concept護航,例如係CCTVB就落足嘴頭話:「高鐵行車好舒適」「唔駛十分鐘就去到好高速」,向全香港宣傳高鐵。當河蟹號係神咁拜,促進埋香港嘅「經濟發展」。

之但係,正苦急到連自己想起咩都唔知,俾舨議員問都口啞啞。甚至未撥款,先批標!政府由06年冬姑提出專用通道方案不可行又無嘥聲氣,07年姣賤會議又話共用通道,直到政府08年底要收菜園村,上年先同大家講用專用通道方案,大家先知咩事。

我嗰時都同大家講過香港新幹線本身係咩大計。不過又好多人唔睇野,我講一句唔起高鐵,香港會變孤島,就好多人以言入罪……,乜我真確的有講過支持咩?

咁你又可能會問,我咁多極秘材料去反擊政府,點解又唔可以早就出嚟救濟萬民呢?首先,九龍灣各位8樓10樓11樓嘅高高層見到呢,就一定會捉鬼。另外,幫我地專家組發聲的坦雅小姐辦公室畀人門都拆埋,唔知道幾時到我屋企啦?你知道呢個世界越知道多野越危險...

其實呢件事我真係心身受創...因為我參與左專家組,雖然我真係點都唔可以同意錦上路方案,但係我都盡力攞九龍灣嘅材料同地質報告嚟,但係點樣都好,都仍然係幫唔到佢地。尤其係,我離開立法會之後,仲見到菜園村居民為緊自己嘅屋企,同社群斷食,但係我幫都幫唔到佢地,我對唔對得住佢地呀?直到幾日前,我睇電視講寮屋區,住響寮屋區嘅老人家都話,有一個好嘅屋企,住到百年歸老都無所謂,因為佢地就係鐘意住響道得閒種下野就算。我即刻對住個電視講:人生於世上最緊要個家...係因為突然間失驚無神有人攞走你屋企,你又會點呢?再加上救援站根本就唔需要,救援站一樣有玩我講嘅lift evacuation,不過呢部lift係要嚟運阿爺嘅野,唔通見到咁,大家又會好開心咩?

大家可能好似龜仔咁好開心,唔想去到日本德國咁遠,就有E2坐,又有ICE3坐。但係,背後又係點換番嚟嫁呢?話說當年龜鐵曾經起垃圾灣綫嘅時候令唔少樓因為移位出現裂痕,最後又唔認數。依家鐵怒沿線有地方甚至個地底碎到連做道渣都唔可以,咁上面d樓點算呀,係唔係死人冧樓先安樂呀?

好多人又話菜園村無價值,等等...係!佢地根本係一班人響香港霸個地方起屋!咁但係佢唔駛你政府養,又唔駛好似d新移民咁要全香港包括我屋企在內,夾錢養佢地過世!佢地只係自給自足,有住自己嘅社區,每日過住唔錯而簡單嘅生活。你地問下入面班人,佢地識耕作,識種野咩?佢地只係攞小小權力出嚟,就玩死佢地。點解佢地係要好簡單好簡單嘅生活都唔可以過呀?未因為共產黨唔鐘意佢地阻住個救援站攞。

我當年入龜鐵公司,唔係等開飯,而只係想為乘客服務,唔係攞走人地嘅屋企。響呢一刻,我好後悔當初咁做。諷刺嘅係,平日錢字份上嘅世界級鐵路,可唔可以唔起救援站慳番d錢呀?就算要我苦行,向你下跪得唔得呀?

呢次事件之後,我嘅心情都依家都未好過。我真係唔再想處理關於龜鐵嘅野,我需要嘅係一個休息 . . . . . .

4 thoughts on “龜鐵密語 — 人生於世上最緊要個家

  1. 魚仔 says:

    今日發生土瓜灣單野.. 我無可能唔出來問一句,
    喂, 老老實實, 膠鐵果度大角咀班街坊到底有幾大風險?

    • Alan (28481k) says:

      真係要諗一諗,以我所知條隧道就應該夠深去避到地基,所以好似土瓜灣咁冧法就機會少一點。但之於會不會好似北角啲樓咁先出裂紋再出事就難講啦。況且鑽隧道時會唔會為左趕工而開快機都唔知。地質報告內隧道倒塌危險雖為低等,但係地面出事機會就……

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s