龜鐵物語 — 謎之空氣乘客

https://yuuji.wordpress.com/2010/04/17/metrosecret23/

- 為保安全,請勿獨自閱覽,以便出左事有人叫救護車,多謝合作 -
- 請注意,訓教前忍忍手,起身後慢慢嘆,多謝合作 -

身為世界級鐵路嘅烏龜鐵路(簡稱:龜鐵),每日接載N咁多人次嘅乘客,小不免會發生呢d事...而且龜仔都30歲,National Rail Service 更加係百年大壽,平時我地番工番學要靠佢...離開左人世,都一樣有感情,要坐下火車咁...

我地平日話人多就熱鬧...原來人離開之後,都鐘意一緒聚埋,可能有「人」陪下,又真確的無咁悶嘅。話說響East Rail Main Line 現代化工事之後無幾耐,National Rail Services 故意搵左響夜晚最熱鬧嘅地方俾工會用。呢個地方呢,就係對住荷花池果度。話說有一日,尾班車走ed之後,站務見到個台都無晒客,就好自然執野收工。點知呢,佢入緊月台長室嘅時候,好似見到仲有人,咁好啦,於是去問下佢咩事。行左幾步,呢個女站務見到個客響Trackside,唔係響個台道,於是就即刻走上前,第二個師兄同佢講:「唔好去呀,果個唔係客嚟嫁!」當然你見到個人唔知道點解響出站支燈隔離,都會理左佢安危先,大叫:「乘客,呢都好危險嫁,你唔好..唔好..唔..」本來以為個客係附近居民,唔習慣電化之後唔可以隨便入線路,點知,佢見到個客無下半身,「企」響道望住佢,面無血色。 於是頭先叫佢嘅師兄趕上前同佢講:「我地番去收工啦,唔好阻住人地」 唔知呢個客係唔係當年火車車斷下半身依家番嚟搵番大家.....證明呢d並唔係所謂口耳相傳出嚟嘅故事,而係總有一位響左近,只係是但邊個見到邊個咁解...

不過如果你覺得呢d係十幾二十年前嘅野,就錯啦

話說幾年前,荒島綫因應West Rail Main Line 開業,於是加多左個站響中途。有一晚,工程主管照原定時間 + 原定嘅EMU同TO一齊試車。原本相安無事嘅,架車行行下突然間Target變 0,架車dup 停 試車嘅時候呢d野好正常。但係架車差唔多停低嘅時候,Radio 有人講野...但係開頭唔係好清楚...之後聽到話報跳軌...下大哥你唔係呀,半晚三更跳軌 之後TC就話跳軌嘅地方響架車附近,叫佢地兩個睇睇..兩個人落車,因為夜晚荒島綫沿線都係好黑,跟本睇唔到乜野,只有OCC開番晒軌道燈先可以睇到個情況係點。軌道燈一開,佢地發現企緊軟軟地嘅唔係道渣,而係企緊響兩個人上面,一個男、一個女! 

咁無端端呢一男一女又邊嚟嫁呢?原來之前有人見到佢地響天橋道好開心錫緊嘴仔,點知突然間挨下挨下兩個人跌左落Track道,咁可能因為果時興鐵鏈掛牛仔褲,或者係佢地身上嘅鎖匙之類,成為左短路夾,令Track Circuit 變左Occupied,將頭先行緊架車嘅Target 變0 。

因為事發地點好近車站,而警察或者食環署無TC授權係唔可以落軌道做野。於是,唯有請兩位入Cab坐下。番到車站之後,當值站長都稔住差唔多天光,就請兩位入去食飯房瞓一陣。事關龜仔嘅車站有兩間叫食飯房嘅房間,一間呢有雪櫃同洗手盤,一間只有枱櫈,兩間房之間係有塊玻璃互通。於是個個朝早番到嚟,見到都媽聲四起。 照慣例呢,如果車站死人嘅話,車站最高負責人就會同全人類派利是,希望大家日後吉利d。不過站長係教徒嘅,於是只係求佢地兩個可以到達主嘅懷抱,希望佢地有咩罪惡和過錯都好,可以原諒同接納佢地,即使佢地生前未有跟隨住主,但都希望主你好好照顧你的兒女,願佢地死後可以安息...如是者,照手續俾食環署帶佢地走。之但係,呢家野真係要信邪,一段時間之後有一晚,呢位站長再當值嘅時候,聽到半夜3台嘅PEP響!個站收左咁耐,點會仲有客嫁呢? 當站長一應機,傳來嘅聲音話:是咁的,我好悶呀,我女朋友又唔理我... 站長再落去台睇咩事嘅時候,竟然困埋LIFT,要自己打手機叫消防。自此,呢位站長無幾耐就無做,而呢個站幾任最高負責人都係唔好脾氣嘅。無辦法啦,佢兩個死又要枉死,仲要俾咁多職員唔禮貌咁對待,真係寧可以信其有呀...

又最近有一次,我坐車去到上環站,因為要去永安中心,就一定要慢慢行去車尾,經林士站月台去E出口。香港人坐車一唔係瞓教就係打機,再唔係就聽歌大聲到同架車鬥大聲。於是要清客嘅時候就煩到...如是者,見到架車咁耐未走,實知道係等清客。響個台道我聽到個TO話:「呢道係尾站,請所有乘客落車,多謝合作!呢道係尾站,請所有乘客落車!係,呢個係尾站呀,落車!落車!呢道係尾站,落車呀!」但係我響出面見唔到有客,咁算啦...我諗住,以前成日都有做開清客,幫下TO一次咁多啦,好過佢響車頭叫極都無人理佢。入到車望兩望,真確的見唔到有客響道,既然架車無客,咁究竟佢叫緊邊個落車呢?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s