龜鐵密語 – 日日都壞.時時都壞

https://yuuji.wordpress.com/2011/02/03/metroserect32

各位好,今日又係巨年初一,話咁快龜釣墨魚又同大家見面

之不過上年巨年初一是情人節,今年巨年初一就是我生日...哎,又注定要宅在家 

話說好耐無上過龜釣墨魚嘅垃圾灣綫,唔知係唔係有貞子邪住嘅關係,我地嘅垃圾灣綫除左番工又壞,放工又壞之外,原來一年之後係日日都壞,時時都壞。 上回又講到話, 垃圾灣綫番工又壞,放工又壞係因為K仔亂講野整到ATSS都瓜埋。今次K仔已經住好晒響垃圾灣線,咁又有咩問題呢? 

事因為當年起垃圾灣線嘅時候,荒島綫又未回本,於是照住荒島綫起嘅垃圾灣線雖然有得用西滿寺嘅設備,但係都要監平監賤買番嚟...到今日開左夢幻之城之後,7281波口唔止要嚟番屋企,而且仲要每10分鐘就轉一次,用得多就自然有問題。不過咁...點解西滿寺嘅野都會咁容易壞呢? 是因為龜仔當年為左答謝澳洲過你能,就將垃圾灣屋企嘅家頭細務工作外判左俾過你能。唔止咁,十年前到差唔多時間,因為經濟唔好,當時唔係裁員減薪就係開源節流(講得出呢d term 證明我有番小小老餅 ),於是龜仔就要將垃圾灣線嘅整路工作俾埋佢地,拿大家睇下龜龜嘅Facebook Fanpage就知道鳥。所以當日慳番咁多錢,依家就惡果自受,恭喜恭喜!

唔止添,垃圾灣線除左一日到黑Point 7281 都壞之外,仲時不時無端端CT loop 固障。話說香港嘅track circuit 係唔可以長過兩公里,如果唔係一落雨好容易就會因為電阻過低就會好地地都變track circuit failure。之不過響大英祖國,track circuit 分分鐘可以延綿十幾miles,所以有問題簡直係當食飯。於是基於安全嘅principle,如果CT loop 有問題全部車就要響果個section 前面停低,再22km/h轆過,結果唔係呢道要停,就果道要停,真係煩到死。結果有一日...終於到東區海底隧道 東區沉管隧道死CT loop,真係坐地鐵仲慢過船,仲要龜龜嘅教車方法不嬲係叫行親RM就maintain 19km/h,如果落緊斜個速度升就落Brake,如果速度跌就加。如果唔係無boat commuter services 嘅話,寧願等下都唔駛心驚震 

但係大家都會知道屋企d電線就算十幾二十年都唔會無斷斷有問題,就算外判左俾過你能整路嘅話都唔會話整成咁嫁,究竟原兇係邊個呢? 唔通真係外判? 唔通又真係關垃圾灣的貞子事? ...原來就係...就係...淩晨收車之後有不明物體潛入左龜鐵管道。但係香港唔同大英祖國,垃圾灣線全部車站都有幕門,即係話月台同trackside 響非行車時間係密封嘅。咁佢係點走入嘅呢? 唔通真係同倫敦一樣有老鼠? 定係佢一早已經響車上?  

不過講事講,依家出面紅色、綠色同海島綫嘅SACEM sector computer已經成日間唔中就跪低,好在唔同Nation Rail Services嘅係,一副跪左會有第二副補上,壞左大家唔多覺。如果兩個跪晒雖然不至於話行唔到車,不過就有花生食鳥

—–

一元復始,萬象更新。呢個龜釣墨魚嘅逸事欄又一年鳥。話說唔止垃圾灣線番工又壞,放工又壞;日日都壞,時時都壞...依家連East Rail Main Line一星期試盡上下午繁忙時間故障,仲有係接連幾日爆鑊。爆完鑊之後龜龜又唔出聲,仲要次次呃晒全世界話佢服務正常。有見及此,俾我就唔忍啦! 所以網上就有人開左個MTR service update,響手機follow 住個twitter就出門搭車無有怕啦 

 

2 thoughts on “龜鐵密語 – 日日都壞.時時都壞

  1. kjho3984 says:

    依家好似港鐵全線係淨返條新D用seltrac既WRML, 馬鐵線同埋跌死你線未壞
    條條線都爆鑊, 究竟發生左咩事呢?

    • 咁又唔係呀,話說當年WRML因為接地嘅問題三日唔埋兩日又跪
      只係依家龜龜自己d 路線好多信號上嘅野比預期上無咁耐用

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s