龜鐵密語 – 有朋友自遠方來

https://yuuji.wordpress.com/2011/10/05/metrosecret34/

我從不寫空的日記
Wordpress 裡全是你
眼見著月亮悄悄溜走……

話說呀啱啱同幾位仙貝一齊誠心敬拜,點知我地呀新教主晒左50分鐘嚟回帶iOS5啲「新」野,又要到兩點先開始講iphone4s...都唔夠,最尾仲要講埋一句 “Sorry folks, no iphone5″,真係蚊 ,好心你好心學下叔叔叔同Google 咁,下星期三真係交足貨出嚟,又有脆皮雪糕,又有新機交到貨  真係不如睇下今期龜釣墨魚好過 

大家呢都知道我就唔會好似新教主咁,令大家的期望出現很大的落差落空,所以呢就應各位嘅要望,同大家講下我地由北方嚟嘅新朋友 

話說龜鐵密語龜釣墨魚開業無幾耐,就同大家講過頭文字D呀拓海點渣車呀、NTWest Tramlink又有魚缸車睇WOO咁。經過真確的事件之後,我地呀龜龜呢,或者好想同National Rail Service 一家親,於是就臥薪嘗膽,大義凜然,決定「龜不入地獄,誰入地獄」! 拿拿拿,唔好講到咁偉大... 話說果時 Sir曾浮雲,Cloud Tsang,曾經去過大陸北方嘅南満鉄道新京工場,參觀指導呀咁。之後龜龜新車花落誰家呢,當然已經暗乘決定ed 

 

經過大K仔嘅鑊之後,本來連我都稔住龜龜會嚴陣以待,就連MTR Service Update都幫佢講埋好說話,同followers講:「無事嘅,唔駛擔心,今次照足標準起貨嫁啦 」 ,當然就好戲又試在後頭,真係同pandora box一樣,唔打開唔__街 。我地由北方嚟嘅朋友,同魚缸車一樣系出名門,一北一南,互相對稱呼應(呢輪應該係睇得太多樓盤廣告 ),自然都一樣,響應左世界級鐵路嘅「乘客撐傘大行動」 ,就算俾你架車又話有Movia嘅優良血統(好似係),又講到係南満鉄道新京工場歷嚟最高水準嘅出品,同世界標準對接(摺),又話同千九公主一樣,有16:10高清(好似係)大電視啦、監視カメラ啦、飛花利電門都無用,因為水入車體殼,裁晒人安樂,全部通通燒晒 

 

不過都證明今次有備而嚟係好事,依家知道個頂冚得唔實攞,未整過佢攞,好過呀好鬼魚缸車咁,就真係無謂啦  如是者,原本話2月嚟得,7月行得嘅北方朋友,為左整番好頂頂綠色帽,結果要5月先嚟得,咁是咪12月先行得呢? 學條條揈所講:「我嘅答案好簡單,係!」  事關呢啲野,真係好富娛樂性嫁,傳聞話呀條條揈緋聞有四位女角,我地都有市區四線去招呼北行朋友。之但係我地阿北方朋友可能習慣響満州,著衫呢就比我地多,所以去到垃圾灣綫就唔小心撞親下右邊額頭咁,唔好意思  嘩唔係掛,好得人驚咁WOO,哎連ATO Test未做已經係咁,都係落車先,點知下一刻會唔會追尾嫁  呀都唔好意思WOO,雖然我知道MM大你呢就好想暗乘甜下個非常口,睇睇點樣可以唔駛學老鼠車同97 Stock咁,玩上下分離,而係伸脷  之不過呢,就唔係唔想俾大家睇,而且...而係...開...開...開...唔到呀  喂唔係呀? 哎我唔理鳥,好似United93啲客咁幾個人死力撞埋去啦唯有  哦,唔好意思WOO,海島綫嘅隧道因為彎位多,而且窄,所以係落唔到人嘅,應該有事要賠命嫁啦,麻煩經客用車門離開,睇下呢啲門開唔開到啦下 

 

就係咁,我地呀龜龜就同大陸廠金翅反面鳥 原本龜龜買到平車,就當然要禮尚往來,將當年請人做垃圾灣屋企管家嘅手法,重施故技。不過呢,依家攪成咁,都係唔駛有邊間屋企會俾過埋禮俾佢啦。之但係,20年前嘅戲都有講啦:http://youtu.be/BBB6eWimWGo?t=3m35s,大陸人呢就長期(妄想)被逼害,大家都知咩叫「中華民族到了最危險的時候」  所以依家係龜龜高层下令,要比平时更加严格地检查列车,最后一些不是问题的问题都成了问题,成为挖苦讽刺长客的“证据”,为日后压价、拖延付款提供了充足的“理由”。嘩,真係唔講唔知依家龜龜無錢俾WOO原來,要玩埋啲咁cheap 嘅野 ...咁呀南満鉄道新京工場就精過你香港人,一於學龜龜廣播所講:遗者法办!  原來龜龜將合約自己唔小心,一次過將合約嘅Original Scope 10抽同11抽南海島綫嘅車寫埋一齊execute ,所以今次原本想揼冬姑制,截住!...都唔得,仲要79Stock做延命工事….如果唔係佢地就一齊陽壽殆盡嫁啦  

——–

最近睇電視,又聽到「為優質營養把關」、「提升工程質量」、又話咩「對接」、信諾平安保話:「請關注以下信息」、Galaxy Tab有「高清視頻」咁。拿我地中學雞時代學過:動能 = 1/2 x 質量 x 速度^2 。咁視頻,即係視訊嘅頻道、頻譜(Spectrum)。關注,即係佢想講留意啦;對接,就係中文嘅接合...  各位香港人,香港同中華民國幸好因為同大陸格絕幾十年,保留左真正中國嘅傳統,同傳承左佢嘅文化。依家蝗母娘娘居然話我地嘅文化 – 廣東話係落後、由古代傳承至今嘅正體字係倒退! 我地嘅語言,即係溝通嘅基本要素,唔需要大陸人為我地把關,但係都唔少得我地自己去維護! 

9 thoughts on “龜鐵密語 – 有朋友自遠方來

      • aaa839 says:

        MM兄,C車話就話係TKL撞到,但點解351/352會係1月個時TKL到SHADOW RUN,唔係話車身會撞到行唔到嗎?
        C車整好左?
        2.C車TOTAL係22抽(唔計SIL)定只係10抽?
        3.C車未來會唔會行KTL外的市區3線?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s